ඔන්න එහෙනම් සරාසද සමගින් ටෙලිවිෂනය මත දිගහැරෙන ටෙලිකතා අතුරින් තවත් එක් දීප්තිමත් තාරකාවක දෙවනි කතාංගයත් අරගෙන මම ඔයාල හමුවට ආවා. පරක්කුයිනම් තමා ඒත් ඉතින් අපේ යාළුවො ඉවසන් ඉන්නව කියල මම දන්නවා හොඳම දේ ලැබෙනකම්. එහෙමනම් ඉතින් වෙනදා වගේම ඊයේ සෑ තමයි සෑ. abc නාලිකාවෙ ගියේ Strategic Homeland Intervention Enforcement and Logistics Division නොහොත් Agents of S.H.I.E.L.D තමන් ගැනවත් නොහිතා ලෝකයාගේ මෙන්ම සමස්ත විශ්වයේම ආරක්ෂාවට ඉන්න ඒජන්තවරු ගැන තමයි ඉතින් කතා කරන්නෙ. ගිය සුමානෙ සමහර දෙනෙක් ඔය Agents of S.H.I.E.L.D කියන එක වැරදියට තේරුම් අරන් තිබ්බා, ඔය S.H.I.E.L.D කියලා කියන්නෙ දීර්ඝ යෙදුමක කෙටි කරණයක්. ඒකෙ දීර්ඝ යෙදුම තමයි Strategic Homeland Intervention Enforcement and Logistics Division නොහොත් “යුධෝපාය සම්බන්ධ දේශීය මැදිහත්වීම් බලාත්මක කරන සහ මනාව සංවිධානය කිරීමේ කාර්යාංශය” කියන එක. ආයෙ වරද්දගන්නව නෙමේ ඔන්න. හැමදාම කියාදෙන්ට බෑ හොඳේ
එහෙමනම් ඔන්න පහුගිය දොහේ ඇන්න ආපු කතාංගය ගැන පොඩ්ඩක් මතක් කරන් ඉමුකො…
හතළිහේ දශකයේ විලාසිතා ඇගලාගත්තු වීරයා, අර්ධ දෙවියා, යකඩ ඇදුම් ඇදගත්තු බිලියනපතියා, කොළ දැවන්තයා, මායම් අනන්ත ප්‍රමාණයක් සහිත ඒජන්ත රමනොවොෆ් ප්‍රමුඛ ඇවන්ජර්ස් කණ්ඩායමේ සම්බන්ධීකරණ නිලධාරී පරීක්ෂක කොල්සන්, ලොකී ප්‍රමුඛ පිටසක්වලයන් අතින් නිව්යෝර්ක් විනාශයට පෙරාතුව මිය යනවා, ඇත්තටම මැරෙනවද? නෑ නෑ නෑ ඇත්තටම මැරිලා නෑ. ඒ රගපෑම කරල තියෙන්නෙ. මොහොකටවත් නෙමේ අර මාන්නයෙන් ඉදිමිලා උන්නු වීරයො ටික එක අරමුණකට අරගන්න තල්ලුවක් දෙන්නයි. ඉතින් ඒ විදියට මරණෙන් එළියට ආපු පරීක්ෂක කොල්සන්ගෙ ඊළග රාජකාරිය විදියට පැවරිලා තියෙන්නෙ තවමත් හරි හැටි හදුනා නොගත් වීරයන් පිරිසක් එළියට අරගන්න එකයි. ඉතින් ගිය සුමානෙ බලපු අයට මතක ඇතිනෙ කවුදෝමන්දා කණ්ඩායමක් පිටසක්වල තාක්ෂණය මුහුම් කොරගෙන තනාල තිබ්බ සුපිරි සොල්දාදුවන්ගෙ කතාව. කෝපයෙන් පිරිලා ඉතිරිලා ගියම න්‍යෂ්ටික විලයනයට භාජනය වෙන එයාලගෙ මොළයට වෙන දේ දකින්න ඇතිනෙ. ඒ වගේම කැරලිකර අධමයන්ගේ පැත්තේ උන්නු පරිගණක හැකර් වරිය ස්කයි, දැන් වැඩ කරන්නෙ මෙයාලත් එක්කද කියලත් අපිට බලාගන්න පුළුවනි මේකෙත්. ඒ වගේම අපි එදා දැනගත්තා මේ Agents of S.H.I.E.L.D කට්ටියට තවත් සතුරො ඉන්නව කියලා. අර කැරලි ගහන අධමයො විතරක් නෙමේ, මේ නිල නොලත් සුපිරි වීරයෝ ගැන ඇහැ ගහන් ඉන්න අය තවත් ඉන්නව, බලමු අදවත් එයාලා එළියට ඒවිද කියලා.. ඒ වගේම කෂ්ටියම දැන් දන්නවා ඇතිනෙ ඉන්න ඈයො කවුරුන්ද එයාලට මොනාද පුළුවන් කියලත් කමක් නෑ ඒ ටිකත් මතක් කරලම යන්නම්කො මම Melinda May ගුවන් යානා නියමු වරිය, සටන් කාරියක් වගේම පරීක්ෂක කොල්සන්ගෙ හිතගිය කෙනාද මන්දා.. Grant Ward යුද්දෙ නම් යුද්දෙ සාමෙනම් ඒත් යුද්දෙ, බෝම්බයක්නම් ඒක න්‍යෂ්ටිකද මොකක්ද කියල වැඩක් නෑ නිෂ්ක්‍රීය කරන්නයි ඔනා.. Skye ලෝකෙ කොල්හේ මුල්ලක තිබුණත් කමක් නෑ පරිගණකයකුයි වයිෆයි පහසුකමයි දෙන්න ඕන දෙයක් හැක් කරල දෙන්නම්… Simmons ජීව රසායන විද්‍යාඥවරිය Fitz අමතක කරන්න එහෙම එපා එයා ඉන්ජිනේරුවෙක් හොදේ එයත් ජීව රසායනඥයෙක් නෙමෙ… ඒ වගෙම මේ කතාංගයට අන්තර්ජාතික සිනමාපට දර්ශකයේ 7.8ක් වගේ අගයකුත් ලැබිලා තියනවා ආහ් ඒ වගේම තව දෙයක් වෙදාට වඩා ඔන්න අදනම් ඇක්ෂන් කෑලි ටිකක් වැඩියි, එදා අඩුවෙන් ඇක්ෂන් කෑලි තිබ්බෙ කියල දුක් වෙන්නත් ඇතිනෙ කෂ්ටිය. කට්ටියත් එක්කලා බලමු එහෙනම් මොකක්ද මේ 0-8-4 කියන්නෙ කියලා. පළවෙනි කතාංගයට අදහස් දක්වපු හැම කෙනෙක්ටම බොහොම ස්තූතියි, හමුවෙමු නැවතත් ලබන සතියේ මෙහි තෙවැන්න සමගින්.. එතෙක් අමතක කරන්න එපා S.H.I.E.L.D කියන්නෙ තනි වචනයක් නෙමෙයි ඕං ඈ…. 
ප.ලි.
ඉංග්‍රීසි සබ් එක ආවෙ දවල් 12.30ට මම සිංහලට හරවලා ඉවරයක් කළේ රෑ 12.30ට හරියටම පෑ 12ක් ගියා දවල්ට කෑවෙ අද උදේ පාන්දර 1ට. නොකාම තමයි, මම මේක කළේ ඒත් මට මේ තියන විද්‍යාත්මක වචන එක්ක හැප්පෙන්න පුළුවන් මගේ වේගෙ ඔච්චර තමයි අවාසනාවට. කොහොම උණත් ඔන්න අද අරන් ආවා මම විශේෂයෙන්ම කියන්න ඔනා ඊයේ දිනයේ අපේ හසන්ත අයියා දුන්නු ෆැසිපික් රිම් සිංහල උපසිරස කරපු විධිය ඒ වෙච්ච මහන්සිය නොදන්න කෙනෙක් ඒක හෑල්ලුවට ලක් කරලා තිබ්බා. අවංකවම මම කනගා‍ටු වෙනවා එවැනි පුද්ගලයින් ඉන්න රටක ඉපදෙන්න වීම ගැන. ඒ වගේම අවංකවම අනිත් පැත්තෙන් ඊට එරෙහිව කතා කරපු අපි එක්ක හැමදාම හිටපු කෙනෙක්ගෙ මහන්සිය අඳුනන අපේ හිත හොද කොල්ලො ටික ඒකට නිවරදි උත්තර දීලා තිබුණා. මේ පළමු වතාව නෙමේ ඒ විදියට වැඩ සිද්දවුණ. මොන තරහක් තිබුණත් කෙනෙක්ගෙ මහන්සිය හෑල්ලුවට ලක්කරපු එක මහා අවජාතක වැඩක්. අකමැත්තෙන් උණත් ඒ වචනෙ පාවිච්චි කරන්න වෙනවා. මට සමාවෙන්න අනිත් අය ඒ ගැන. අවසාන වශයෙන් කියන්න තියෙන්නෙ ඒ සහෝ මේ ලිපිය කියවනවනම්. ඔයා ඒ දෙයින් බලාපොරොත්තු උනානම් යම් කිසි දෙයක්. මම හිතන්නෙ අපේ අය ඒ දේ කවදාවත් ඔයාට දෙන්නෙ නෑ!
ඉංග්‍රීසි සබ් එක ආවෙ දවල් 12.30ට මම සිංහලට හරවලා ඉවරයක් කළේ රෑ 12.30ට හරියටම පෑ 12ක් ගියා දවල්ට කෑවෙ අද උදේ පාන්දර 1ට. නොකාම තමයි, මම මේක කළේ ඒත් මට මේ තියන විද්‍යාත්මක වචන එක්ක හැප්පෙන්න පුළුවන් මගේ වේගෙ ඔච්චර තමයි අවාසනාවට. කොහොම උණත් ඔන්න අද අරන් ආවා මම විශේෂයෙන්ම කියන්න ඔනා ඊයේ දිනයේ අපේ හසන්ත අයියා දුන්නු ෆැසිපික් රිම් සිංහල උපසිරස කරපු විධිය ඒ වෙච්ච මහන්සිය නොදන්න කෙනෙක් ඒක හෑල්ලුවට ලක් කරලා තිබ්බා. අවංකවම මම කනගා‍ටු වෙනවා එවැනි පුද්ගලයින් ඉන්න රටක ඉපදෙන්න වීම ගැන. ඒ වගේම අවංකවම අනිත් පැත්තෙන් ඊට එරෙහිව කතා කරපු අපි එක්ක හැමදාම හිටපු කෙනෙක්ගෙ මහන්සිය අඳුනන අපේ හිත හොද කොල්ලො ටික ඒකට නිවරදි උත්තර දීලා තිබුණා. මේ පළමු වතාව නෙමේ ඒ විදියට වැඩ සිද්දවුණ. මොන තරහක් තිබුණත් කෙනෙක්ගෙ මහන්සිය හෑල්ලුවට ලක්කරපු එක මහා අවජාතක වැඩක්. අකමැත්තෙන් උණත් ඒ වචනෙ පාවිච්චි කරන්න වෙනවා. මට සමාවෙන්න අනිත් අය ඒ ගැන. අවසාන වශයෙන් කියන්න තියෙන්නෙ ඒ සහෝ මේ ලිපිය කියවනවනම්. ඔයා ඒ දෙයින් බලාපොරොත්තු උනානම් යම් කිසි දෙයක්. මම හිතන්නෙ අපේ අය ඒ දේ කවදාවත් ඔයාට දෙන්නෙ නෑ!
34,269 votes
290 MB
350 MB
මේ ලබා දී ඇති සිංහල උපසිරැසි පිළිබද “ශාන් විමුක්ති [වීමා]” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.
Post a Comment