මේ දවස් වල Revolution එකත් නැති එකේ ලැබුණු අධික ඉල්ලීම් පිට චිත්‍රපටියකට උපසිරසි දැම්මා. ඇත්තටම කිව්වොත් මේකේ blue ray ආපු කාලෙම මේකට උපසිරසි දාන්න කියලා මුලින්ම කිව්වෙ අපේ සමීර මලයා. ඒත් ඒ දවස් වල කර කර උන්නු වැඩ අනුව භාරගන්නවද නැද්ද කියලා හිතලා අන්තිමේ කවුරුත් නොකළොත් විතරක් පස්සෙ කරනවා කියලා හිතලා පස්සට කල් දාලා දිමුතුගේ අදහසක් අනුව වෙන චිත්‍රපටියකට අත ගහන්න යද්දි එකපාරම සෑහෙන ඉල්ලීම් වගයක් මේල් එක හරහා ලැබෙන්න ගත්තා. ඉතින් ඒවත් සලකලා බලලා අනික් වැඩේට කලින් මේක ඉවර කරලා දෙන්න හිතුවා. ඒ ඉල්ලීම් කරපු අයගෙන් මම කරන විශේෂ ඉල්ලීමක් ලිපියේ අග තියෙනවා. පොඩ්ඩක් කාරුණිකව සලකා බලන්න.
කාටවත් විශේෂයෙන් විස්තර කරන්න ඕනා නැති විකි ලීක්ස් වෙබ් අඩවිය හා ජුලියන් අසාන්ජ් කියන නම් අප්‍රසිද්ධ තැන ඉඳන් මෙතරම් ප්‍රසිද්ධියට පත්වෙච්ච විධිය හා ඊට සම්බන්ධ අප්‍රසිද්ධ කතාව තමා මේකේ ගලාගෙන යන්නේ. විශේෂයෙන් ඊට ජූලියන් හා සම්බන්ධ වෙච්ච කෙනා හමුවෙච්ච විදියේ ඉඳන් කරපු කැපකිරීම් හා අවසානයේ සිදුවෙච්ච අවාසනාවන්ත වෙන්වීම දක්වා මේ චිත්‍රපටයෙන් කතා කරනවා. මම කතාව ගැන ඔයිට වඩා දෙයක් නම් කියන්නෙ නෑ. හැබැයි මේ චිත්‍රපටයට ජූලියන් දැඩි ලෙස විරුද්ධ වුණ බව හා මෙය පදනම් වී ඇති පොත් දෙකේ තියෙන්නේ විකෘති කළ දේවල් බව ජූලියන් පවසා ඇති බව කියන්නම ඕනේ. ඉතින් මේ අපභ්‍රංසේ වටහාගන්න එක වගේම මේ කරුණු වල සත්‍ය අසත්‍ය බව සොයා දැනගැනීම හා ඒ පිළිබඳ විනිශ්චයක් දීම ඔබට බාරයි.
මම මුලින් කිව්වා වගේ මේ කාරුණික නිවේදනය අර මට මේල් එවපු අයටයි. අපි ඒ මේල් වල තිබ්බ කරුණු මෙතන කමෙන්ට් එකකින්වත් නොදා ඉම්මු කියලා කරුණාවෙන් ඉල්ලනවා. මොකද ඕනෑම කෙනෙක් ඕනෑම වැඩක් කරනකොට ඒකේ සාර්ථක අසාර්ථක වීමට තම තමුන්ගේ දැනුම හා හැකියාව බලපානවා. තැන තැන විවේචනයක් නොකර ගන්න තියෙන දෙයක් අරගෙන බැහැර කරන්න ඕනා දේවල් බැහැර කරලා ඉම්මු කියන එක තමා මගේ අදහස. ඇත්තටම මේ චිත්‍රපටයේ බර ඉංග්‍රීසි වත් අමාරු වාක්‍යවත් නෑ. එකම දේ තිබ්බේ විශේෂ යෙදුම් නැත්තම් idioms හා පුවත්පත් යෙදුම් හරි විදියට තේරුම් අරගෙන උපසිරසි දාන එක විතරයි. හැබැයි වරදවා තේරුම් ගන්න එපා මගේ උපසිරසියත් 100% ක් නිවැරදියි කියලා. අනේ නෑ. වැරදි ඇති. ඒවා මට පෙන්වලා දෙන්න. මම කැමතියි වැරදි හදාගන්න. ඉතින් මම හිතනවා මගේ ඉල්ලීම ඔයාලා ඉටුකරයි කියලා.
එහෙනම් දැන් චිත්‍රපටිය බලන එක ඔයාලට බාරයි. තව එකකින් හමුවෙන තෙක් සමුගන්නවා. ජයම වේවා!!!!!!282
_____________________________
මේ ලබා දී ඇති සිංහල උපසිරැසි පිළිබද “රොයිලි ප්‍රනාන්දු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.
Post a Comment