රේ බ්‍රෙස්ලින් කියන්නේ අමුතුම විදිහේ රස්සාවක් තම ජීවන වෘත්තිය ලෙස තෝර ගත්ත පුද්ගලයෙක්. ඒ අමුතු විදිහේ රස්සාව තමයි හිර ගෙවල් බිඳින එක. එහෙම හිර ගෙවල් බිඳින්නේ රජයෙන්ම ඔහුට ලැබෙන කොන්ත්‍රාත්තු අනුවයි. රජයට අවශ්‍ය වෙනවා රජය යටතේ තියෙන සිරගෙවල් වල තියෙන දුර්වලතා හොයා ගන්න. කවුරුවත් නොදන්න පුද්ගලයෙක් ලෙස සුළු වැරැද්දක් මත බන්ධනාගාර ඇතුලට යන රේ බ්‍රෙස්ලින්, එම සිරගෙදර තියෙන දුර්වල තැනක් හොයාගෙන කොහොම හරි පැනලා යනවා. රේ බ්‍රෙස්ලින්ට අනුව හිර ගෙයක් බිඳින්න කරුණු තුනක් අවශ්‍ය වෙනවා.
1- ගොඩනැගිල්ලේ පිරිසැලැස්ම දැන ගැනීම.
2- ආරක්ෂකයින්ගේ දින චර්යාව දැන ගැනම.
3- පිටත සිටින පුද්ගලයෙක්ගේ උදව්වක් ලබා ගැනීම.
1- ගොඩනැගිල්ලේ පිරිසැලැස්ම දැන ගැනීම.
2- ආරක්ෂකයින්ගේ දින චර්යාව දැන ගැනම.
3- පිටත සිටින පුද්ගලයෙක්ගේ උදව්වක් ලබා ගැනීම.
රේ ට පිටතින් උදව් දෙන්න ඉන්නේ ඔහුගෙම බිරිඳ සහ ඔහුගේ හොඳම මිතුරායි. එක දවසක් රේට හොඳ යෝජනාවක් ඉදිරිපත් වෙනවා CIAආයතනයෙන්. ඒ ඔවුන් විසින් සෑදූ දියුණු තාක්ෂණයෙන් යුත් බන්ධනාගාරයකින් පැන යාමේ අවස්ථාවක් ඇත්දැයි සෙවීමයි. මේ සඳහා රේ අය කරන සාමාන්‍ය ගාස්තුව වගේ දෙගුණයක් ඔහුට ලැබෙනවා. ඒත් මේ බන්ධනාගාරය ගැන කිසිම වාර්තාවක් කොහේවත් සඳහන් වෙන්නෙ නෑ වගේම මේක තියෙන තැනත් හැමෝටම රහසක්. ඉතින් මේ අපූරු යෝජනාව බාර ගන්න රේට මේක ඔහුව සදහටම සිර කිරීමේ කුමන්ත්‍රණයක් බව වැටහෙනකොට ප්‍රමාද වැඩියි. යම් පුද්ගලයෙකුට අවශ්‍ය වෙලා තියෙනවා රේ ව කවුරුත් නොදන්නා මේ බන්ධනාගාරය තුල සදහටම හිර කරන්න.
මේ හිර ගෙදරදි රේට අපූරු මිතුරෙක්ව මුණ ගැහෙනවා. නමින් ඔහු එමිල් රොට්මේයර්. ඉතින් රේ බ්‍රෙස්ලින් සහ එමිල් රොට්මේයර් දෙන්නා එකතු වෙලා මේ බන්ධනාගාරයෙන් පැන යන්න දරන උත්සාහය පිභිබඳවයි මේ චිත්‍රපටිය ගෙතිලා තියෙන්නේ. ඒ වගේම හිර ගෙවල් වල තියෙන දුර්වලතා ගැන රේ බ්‍රෙස්ලින් ලියපු පොතක් පදනම් කරගෙන තමයි මේ අමුතු බන්ධනාගාරය ගොඩ නගලා තියෙන්නේ. ඒ නිසා සෑම බන්ධනාගාරයකම තියෙන දුර්වලතා මගහැරලා මේ බන්ධනාගාරය ගොඩ නගලා තියෙනවා.
මේ පාර ඔයාලට සිංහල උපසිරැසි සමගින් ගෙනාවේ 2013 වසරේ නිකුත් උන තවත් සුපිරිම චිත්‍රපටියක්. බයිස්කෝප් මංසල වෙබ් අඩවියේ සිනමා පෙර දැක්මටත් මේ චිත්‍රපටියේ ට්‍රේලරේට සිංහල උපසිරැසි යොදලා දුන්නා ඔයාලට මතක ඇති. IMDb වෙබ් අඩවියේ 7.1/10 ක රේටින් අගයක් ලබාගෙන තියෙන මේ සුපිරි චිත්‍රපටියේ රේ බ්‍රෙස්ලින්ගේ චරිතය Sylvester Stallone විසිනුත් එමිල් රොට්මේයර්ගෙ චරිතයArnold Schwarzenegger විසිනුත් රඟ දක්වනවා. 2013 ඔක්තෝම්බර් 18 වෙනිදා ඇමරිකාවේ තිරගත වීම ඇරඹුන මේ චිත්‍රපටිය තිරගත වීම ඇරඹුන පලමු සතියේ විතරක් ඩොලර් මිලියන 10කට ආසන්න බොක්ස් ඔෆිස් ආදායම් වාර්තාවක් තියන්නත් සමත් වෙලා තියෙනවා. මේ සතියේ ලොව හොඳම චිත්‍රපටි අතර 50 වෙනි ස්ථානයේ රැඳිලා තියෙන මේ චිත්‍රපටිය අයිති වෙන්නේ ක්‍රියාදාම ගණයටයි.
ඉතින් යාළුවනේ.. කවුද මේ රේ බ්‍රෙස්ලින්ව කුමන්ත්‍රණය කරලා සදහටම බන්ධනාගාර ගත කරන්න උත්සාහ කරන්නේ? බ්‍රෙස්ලින්ට මේ කොන්ත්‍රාත්තුව බාර දෙන CIA නියෝජිතයා ඇත්තටම CIA නියෝජිතයෙක්ද? කවුද මේ එමිල් රොට්මේයර්? ඔහුව සිරගත කරන්නෙ ඇයි? මේ අමුතු බන්ධනාගාරය කොහේද තියෙන්නේ? ඇයි ඒක තියෙන තැන රහසක් වශයෙන් තියා ගන්නේ? රේ බ්‍රෙස්ලින්ට මේ බන්ධනාගාරයෙන් පැනගන්න සැලසුමක් හදන්න පුළුවන් වේවිද? ඒ සැලසුම හදපු විදිහටම ක්‍රියාත්මක කරන්න පුළුවන් වේවිද?
46,623 votes
475 MB
870 MB
Post a Comment